GJERMANI– Ministri gjerman Michael Roth i ka kërkuar Bullgarisë që të zgjidhë ngërçin me Shkupin që po pengon mbajtjen e konferencës së parë ndërqeveritare me Maqedoninë e Veriut e rrjedhimisht edhe me Shqipërinë. Një ditë para mbledhjes së këshillit për çështje të përgjithshme të BE-së që do të mbahet në Bruksel, Roth është shprehur se Evropa duhet të përmbushë obligimin e saj dhe të hapë rrugën për konferencën e parë ndërqeveritare me Maqedoninë dhe Shqipërinë.
“Në temën e zgjerimit të BE-së bëhet fjalë për besueshmërinë e BE-së në Ballkanin Perëndimor. Në dritën e zgjedhjeve të mbajtura në Bullgari, tani është shumë me rëndësi që udhëheqësi bullgare të përmbushë obligimin evropian dhe të hapë rrugën për konferencën e parë ndërqeveritare me Maqedoninë dhe Shqipërinë”, ka deklaruar Roth.
Më herët Shtetet e Bashkuara të Amerikës i kanë dërguar Bullgarisë ultimatum për të zgjidhur brenda 40 ditëve çështjen e zhbllokimit të negociatave për integrimin në BE të Shqipërisë dhe Maqedonisë së Veriut. Dy anëtarët e Dhomës së Përfaqësuesëve në SHBA ëilliam Keating and Claudia Tenney i dërguan një letër ambasadorit të Bullgarisë në SHBA Tihomir Stoiçev. Në letër shprehet shqetësimi se shteti bullgar me lëvizjet e tij politike po pengon hapjen e negociatave nga BE për integrimin e Maqedonisë së Veriut dhe Shqipërisë.
