Ka përfunduar në gjykatën e lartë shqyrtimi i çështjes ndaj ish-ministrit të Brendshëm Saimir Tahiri.
SPAK ka kërkuar lënien në fuqi të vendimit të Apelit, kthimin në gjykim në shkallë të parë. Ndërkohë, avokati mbrojtës i ish-ministrit ka kërkuar prishjen e vendimit sepse anëtarët e trupës kanë qenë në papajtueshmëri, dhe shqyrtimin e çështjes nga një trup tjetër në Apel.
Saimir Tahiri është akuzuar më herët për trafik narkotikësh dhe grup kriminal në bashkëpunim me klanin “Habilaj”. Në shkallën e parë, Tahiri u dënua me 3 vite shërbim prove për akuzën e shpërdorimit të detyrës, ndërsa Gjykata Posaçme e Apelit prishi këtë vendim duke urdhëruar gjykimin nga e para me një trup tjetër gjykuese.
Pikërisht për këtë vendim, Tahiri iu drejtua Gjykatës së Lartë me rekurs, ndërsa kjo e fundit pritet të shprehet mbi vijueshmërinë e një prej proceseve më të bujshme të viteve të fundit.
