Ditën e sotme u mbyll samiti tre ditor i cili ishte organizuar nga udhëheqësit e superfuqive botërore ku u diskutuan shumë tema globale të rëndësishme.
Tre liderët e superfuqive kryesore botërore të Francës, Britanisë dhe SHBA kanë dhënë deklaratë për shtyp në formë pëmbledhëse në lidhje me rëndësinë e vendit të tyre në këtë Samit.
Ajo çfarë Biden theksoi është se këto bisedime treguan edhe një herë tjetër rëndësinë e superfuqisë që SHBA ka në botë duke thënë se Amerika mbetet përsëri kryesore në tryezë. Macron ka bërë thrrje për qetësi për çështjen e BREXIT midis BE dhe Mbretërisë së Bashkuar mbi protokollin e Irlandës së Veriut. Ndërsa Boris Johnson u përpoq të minimizonte raportet e një përçarje me BE mbi Irlandën e Veriut në fund të samitit të G7, megjithëse ai këmbënguli se ishte detyra e qeverisë “për të mbrojtur integritetin territorial” të MB.
Ndër temat më pikante që u diskutuan ishin pandemia, ekonomia, arsimi dhe mbrojtja e mjedisit.
Përsa i përket pandemisë, përpos 2 miliardë vaksinave që janë dhuruar që nga fillimi i pandemisë vendet e G7 synojnë të dhurojnë edhe 1 miliard doza të tjera. Gjithashtu këto shtete, shtruan idenë e përmirësimit të infrastrukturës shëndetësore, teknologjikë, në mënyrë që vendet të mos gjenden të papërgatitura nga pandemi që mund të shfaqen në të ardhmen.
Në samit, u diskutua që të ofrohet një mbështetje prej 12 trilionë dollarësh gjatë kësaj periudhe pandemike. Në këtë mënyrë, do të rigjenerohen ekonomitë e vendeve dhe do të mund t’i përgjigjemi sfidave që na kanosen në të ardhmen. Ka plane gjithashtu për shtimin e vendeve të punës dhe përmirësimin e infrastrukturës, inovacionit, në mënyrë që asnjë vend apo person, pavarësisht nga mosha, përkatësia etnike apo gjinia, të lihen të distancuar.
Arsimi është një tjetër komponent që është diskutuar në samit. Me anë të arsimit, synohet të forcohet demokracia, liria, barazia mes njerëzve dhe të drejtat e njeriut. Në samit u theksua se do të synohet që të rritet fondi për arsimin në të gjithë globin, e të bëhet e mundur që rreth 40 milionë vajza të përfshihen më shumë në mësime të ndryshme.
Në diskutimet e samitit, është vendosur për një treg të lirë, me të drejta të barabarta tregtie. Kjo mënyrë do të bëj një ekonomi globale më elastike dhe të drejtë, për të përmbysur disi konkurrencën. Është diskutuar gjithashtu, për shtrirjen e kufijve të shoqërisë, përmes hapësirave kibernetike. Kjo dëshmon sipas tyre, që bota po i nënshtrohet një shoqërie të hapur, ku në fokus, do të jetë transformimi teknologjik, për të mirën e përbashkët.
Mbrojta e mjedisit ishte gjithashtu pjesë e agjendës së samitit të G 7. Vendet më të fuqishme të botës, vendosën që të kujdeseshin për mbrojtjen e planetit, duke iniciuar ‘revolucionin e gjelbër’, e cila, shton vendet e punës, zvogëlon ngrohjen globale dhe rrit financat e shteteve, duke mbrojtur tokat dhe oqeanet në një përqindje të madhe. Kjo sipas samitit do të ndihmojë në një të ardhme të shëndetshme për brezat e ardhshëm, e në këtë drejtim ato janë shprehur të gatshëm për të vendosur një fond prej 100 miliardë dollarësh.
