I deleguari i PD-së në qarkun e Shkodrës, Helidon Bushati, ka denoncuar sot keqmenaxhimin dhe mungesën e reagimit të institucioneve për pasojat e intesitetit të reshjeve gjatë natës në zonën e Nënshkodrës.
Në një postim në “Facebook”, Bushati shkruan se në një kohë kur IGJEUM ka dhënë paralajmërimin për një përkeqësim të mundshëm të situatës hidrometeorologjike në vend, banorët e Nënshkodrës po përballen me përmbytjen e mijëra hektarëve tokë, ndërsa rrezikohen edhe shumë banesa.
“Situata është emergjente! Duhen marrë masa të menjëhershme”, thotë Bushati teksa shton se kjo problematikë nuk është e re dhe se Nënshkodra e ka vuajtur mungesën e menaxhimeve ndër vite.
Postimi i Helidon Bushatit në Facebook:
BANORËT E NËNSHKODRËS NË MËSHIRË TË MOTIT!
Mëngjesin e sotëm ishte tejet i vështire kalimi në zonën e Nënshkodrës, për shkak të intesitetit të reshjeve gjatë natës.
Në një kohë që Instituti i Gjeoshkencës, Energjisë, Ujit dhe Mjedisit ka dhënë paralajmërimin për një përkeqësim të mundshëm të situatës hidrometeorologjike në vend, banorët e Nënshkodres po ndeshen me keqmenaxhimin dhe mungesën e reagimit të institucioneve përgjegjëse në këtë situatë tejet problematike.
Mijëra hektarë tokë janë përmbytur ndërsa rrezikohen edhe shumë banesa.
Situata është emergjente!
Duhen marrë masa të menjëhershme!
Kjo problematikë nuk është e re dhe e panjohur, këto zona ndër vite kanë vuajtur mungesën e menaxhimeve, ndërsa ndërhyrjet kan qënë vetëm për fasadë.
