Një aksident raportohet të ketë ndodhur në aksin nacional Elbasan-Peqin. Siç bën të ditur gazetari Aldo Kozarja në fshatin Vidhas janë përplasur dy makina me njëra-tjetrën.
Për pasojë kanë mbetur të lënduar dy persona, të cilët janë transportuar në spitalin e Elbasanit ku po marrin ndihmën mjekësore. Mësohet se të plagosurit ndodhen jashtë rrezikut për jetën.
Nga pamjet shihet se përplasja ka qenë e fortë, pasi dy mjetet janë dëmtuar. Ndërkaq, më vendngjarje kanë mbërritur shërbimet e policisë dhe ka nisur hetimi për zbardhjen e plotë të shkaqeve.
Njoftimi i policisë:
Në aksin rrugor Elbasan-Peqin, në fshatin Vidhas, Elbasan, mjeti tip “Opel” me drejtues shtetasin B.P., 42 vjeç, banues në fshatin Gostimë, Cërrik, është përplasur me mjetin tip “Volkswagen “, me drejtues shtetasin R.U., 46 vjeç, banues në Elbasan.
Si pasojë e aksidentit janë plagosur të dy drejtuesit e mjeteve të cilët u transportuan në Spitalin Rajonal Elbasan dhe ndodhet jashtë rrezikut për jetën.
Grupi hetimor po punon për zbardhjen e shkakut të aksidentit.
