Kompania amerikane, Pfizer dhe ajo gjermane, BioNTech kanë rëndë dakord që të bashkëpunojnë sëbashku për të furnizuar me vaksinat e tyre kundër koronavirusit programin COVAX të Organizatës Botërore të Shëndetësisë.
Në një artikull të publikuar së fundmi Reuters shkruan se programi COVAX i OBSH-së ka për qëllim shpërndarjen e vaksinave kundër sëmundjes COVID-19, te shtetet e varfra. Pjesë e këtij programi është edhe Kosova, e cila pritet të marrë nga COVAX-i doza të vaksinës për 20 për qind të popullatës.
Ndër të tjera burime për mediat kanë bërë me dije se marrëveshja mes Pfizer/BioNTech pritet të bëhet publike këtë të premte. Ende nuk është e qartë se çfarë sasie të vaksinave do të marrë programi COVAX nga Pfizer/BioNTech, por pritet që sasia të jetë e vogël.
Ndërkohë mësohet se dozat e para të vaksinës do t’iu jepen shteteve, që janë pjesë e COVAX-it, për të vaksinuar punëtorët e tyre shëndetësorë. Kompania BioNTech nuk ka dashur të komentojë për këtë marrëveshje, ndërkaq Pfizer nuk i është përgjigjur pyetjeve për këtë çështje. Përgjigje nuk kanë dhënë as nga OBSH-ja dhe aleanca për vaksina, GAVI.
Këshilltari i lartë i OBSH-së, Bruce Aylëard, të hënën deklaroi se COVAX-i ishte në “diskutime mjaft të detajuara” me Pfizerin dhe tha se pret që kjo kompani ta furnizojë me vaksina COVAX-in “shumë shpejt”.
Vaksinat nga programi COVAX pritet të shpërndahen për vendet e varfra dhe ato me të ardhura të ulëta në muajin shkurt. COVAX gjithashtu një ditë më parë ka konfirmuar se po planifikon që të shpërndajë rreth 1.8 miliard doza më 2021 në 92 shtete, duke mbuluar nevojat për vaksinim të 27 për qind të popullatës të këtyre shteteve./abcnews.al
