Itali- Detaje të reja mësohen nga operacioni kundër trafikut të drogës në Milano. Burime për Abcnews.al bëjnë me dije se Rosman Sulo është shqiptari i arrestuar ditën e sotme në Fier.
Mësohet se Sulo në bazë të përgjimeve të bëra nga autoritetet italiane kishte rolin e bashkëpunëtorit, për sigurimin e transportimit të lëndës narkotike drejt Italisë.
Policia italiane ka goditur dy banda të trafikut të drogës, që vepronin në Milano, duke kryer arrestime të shumta. Hetimi për goditjen e këtyre bandave është koordinuar nga drejtori i Anti-Mafias së Milanos, dhe ka çuar pas hekurave disa trafikantë. Gjatë aksionit, janë sekuestruar një kompani, 3 skuterë, 2 motorë dhe 9 makina.
