Një 65-vjeçar i identifikuar si Faik Veliu është plagosur me armë zjarri. Ngjarja e rëndë është regjistruar mëngjesin e sotëm në fshatin Ngurrëz e Vogël në Lushnjë. Mësohet se personi që e ka qëlluar me armë 65-vjeçarin është vëllai i tij, Sami Veliu, i cili është prangosur vetëm një orë pas ngjarjes.
I plagosuri është dërguar në spital dhe ndodhet nën kujdesin e mjekëve jashtë rrezikut për jetën. Gjithashtu është gjetur dhe sekuestruar dhe arma e zjarrit me të cilën autori kreu plagosjen. Rrethanat janë ende të paqarta.
Nuk dihet ende se cili ka qenë shaku që ka përplasur të dy vëllezërit dhe ka bërë që njëri prej tyre të qëllojë me armë zjarri drejt tjetrit, në derën e tij të shtëpisë.
