PORTUGALI– Policia portugeze ka vënë në pranga shefin e mafias kalabreze, Francesco Pelle 43 vjeç, në kërkim prej 14 vitesh.
Arrestimi i tij është bërë në një klinikë të Lisbonës ku ai po trajtohej për COVID-19. Ndër të tjera mësohet se se 43 vjeçari është kreu i mafisë së fuqishme kalabreze Ndrangheta, i cili kontrollon tregtinë e kokainës në Evropë, i cili ishte në arrati që nga viti 2007.
‘Tg24com‘ shkruan se Pelle, u dënua me burgim të përjetshëm pasi urdhëroi kryerjen e një masakre në prag të Krishtlindjes në vitin 2006, në të cilën u vra gruaja e shefit rival të mafisë Giovanni Luka Nirta.
Për shkak të lëndimeve që mori në një pritë në vitin 2006, Pelle mbeti në karrocë për invalidë dhe u zhduk në vitin 2007 ndërsa priste që Gjykata e Lartë në Milano të konfirmonte dënimin e tij të përjetshëm.
