ITALI– Policia italiane ka arrestuar anëtarin e ‘kyç’ të mafias Ndrangheta-s, Domenico Cracolici!
Ai u kap mbrëmjen e djeshme në një vilë të izoluar në fshatin Maida (Catanzaro) nga karabinierët e Compagnia di Serra San Bruno dhe Njësia Hetimore e Vibo Valentia, së bashku me stafin e Skudrës Ajror Gjahtarët e Karabinierëve Kalabri. I arrestuari ishte në gjumë ndaj nuk bëri asnjë rezistencë ndaj policisë.
Ai i kishte shpëtuar policisë më 19 dhjetor 2019 gjatë operacionit “Rilindja-Scott”. Cracolici konsiderohet si një nga 100 të arratisurve më të rrezikshëm në Itali.
‘Lacnews24‘ shkruan se hetimet e kryera nga karabinierët me koordinimin e DDA të Catanzaro të udhëhequr nga prokurori Nicola Gratteri, nuk kanë ndaluar asnjë moment deri në gjurmimin e të arratisurit.
Cracolici është anëtar i grupit mafioz Ndrangheta, grup që është në fokus të mediave italiane dhe atyre shqiptare pasi në përgjimet e zbuluara janë përmendur disa politikanë shqiptarë mirëpo pa emra. Sipas bisedave të publikuara, mafia italiane ka dërguar biznesmenin Antonio Gallo në vendin tonë që të futet në tendera e të ngrejë biznese përmes të cilave të pastrohen paratë e tyre. Ky korrupsion ka kapur vlerën e mbi 250 milion eurove. Deri më tani janë përmendur, biznesmeni Besnik Halili me pseudonimin Nik, Presidenca, këshilltari i presidentit Ilir Meta, Ilir Kulla Kryeministria e Bashkia e Tiranës, por këta të fundit pa emra konkretë.
