Drejtori i Përgjithshëm i Policisë së Shtetit, Gledis Nano, gjatë një konference të përbashkët me drejtues të lartë të Guarda Di Finanza, ka treguar detaje nga lufta ndaj krimit, arritur kjo, edhe me ndihmë të autoriteteve italiane.
Ai ka thënë se brena këtij vitit, Guarda Di Finanza ka realizuar në Shqipëri 70 monitorime ajrore, ku dhe janë asgjësuar më pas mijëra bimë lëndë narkotike.
Ai tha se janë proceduar penalisht 165 zyrtarë vendor, si dhe qindra persona të tjerë të arrestuar. Nano, theksoi se objektivi i Policisë së Shtetit është identifikimi dhe luftimi i krimit dhe shprehu të gjithë angazhimin e tij dhe të institucionit që drejton për të thelluar rezultatet në këtë drejtim.
