Pranvera është ende larg. Të paktën kështu parashikojnë meteorologët duke iu referuar temperaturave të ulëta që kanë përfshirë të gjithë vendin ditët e fundit. Gjatë ditëve të ardhshme të javës, vendi do të përfshihet nga vlera edhe më të ulëta termike, të cilat pritet të arrijnë deri në -10 gradë në zonat malore.
“Gjatë së enjtes dhe të premtes, në qytetet e zonave malore; Kukës, Peshkopi, por po ashtu edhe Ersekë, Korçë, pritet që minimumi të zbresë në -7, ndërsa në zonat e thella malore në -10 gradë celcius. Jemi në dimër të vërtetë” – thotë sinoptikani Hakil Osmani.
Sipas sinoptikanëve, temperaturat janë 8 gradë më të ulëta se normalja e muajit mars. “Pritet që gjatë fundjavës të kemi reshje të pakta dëbore në verilindje dhe shumë pak juglindja e territorit shqiptar”.
Vetëm pas 15 marsit pritet të vijnë temperaturat pranverore. “Një rritje graduale do të ketë 15-ditëshin e dytë. Pritet që të kemi një rritje graduale të ajrit duke rikthyer pranverën”.
