Sekretari i Përgjithshme i PS, Damian Gjiknuri gjatë një bashkëbisedimi të zhvilluar në selinë rozë me gazetarët, foli lidhur me propozimin e Ferdinand Xhaferaj për kryesimin e procesit të zgjedhjes së presidentit nga ndërkombëtarët.
Gjiknuri tha se një proces ku palët flasim shqip-shqip për të zgjedhur një shgqiptar në krye të vendit, ky propozim ngjan absurd.
“Ky propozim është absurd, është praktik që nuk është përdorur asnjëherë si praktik dhe nuk besoj se është me vend palët që komunikojnë shqip-shqip për të zgjedhur një shqiptar në krye të vendin, do të donin një ndërkombëtar në krye të tavolinës.”, tha ai.
Gjiknuri theksoi se kanë marrë dhjetëra propozime nga qytetarët e thjeshtë për emrin e kandidatit për president, por do të bazohen tek tryeza e negociatave për një figurë pa ambicie politike dhe me integritet.
