Thomas Strakosha është drejt largimit nga skuadra e Lacios. Humbja e postit të titullarit padrejtësisht e ka shtyrë portierin që të mos pranojë të ulet për rinovimin e kontratës me bardhekaltrit, e cila i përfundon në fund të sezonit 2021- 2022.
Së fundmi, mediat italiane kanë bërë me dije se emri i portierit shqiptar ka përfunduar edhe në skedarët e Interit. Zikaltrit mund të vihen në kërkim të një pasuesi për Handanoviçin, në rast se Radu do të kërkojë largimin nga zikaltrit në përfundim të këtij sezoni.
Emri i portierit kuqezi shihet dhe ndiqet me shumë interes brenda dhe jashtë Italisë, ndaj mbetet për t’u parë se cili prej ekipeve apo kampionateve do ta bindë për të vijuar karrierën e tij.
