Shoqja e Meghan Markle, Priyanka Chopra u duk se ‘injoroi’ Princin William dhe Kate Middleton ndërsa ata hynë në Wimbledon.
Në një klip të siguruar nga Daily Mail, aktorja famshme zgjodhi të rregullonte shallin e saj ndërkohë që Duka dhe Dukesha e Kembrixhit zunë vendet, shoqëruar me duartrokitje përpara finales së ndeshjes së tenisit të shtunën.
Disa foto të tjera tregojnë Priyanka-n që duket se largohet nga çifti mbretëror, ndërsa ata u përshëndetën me VIP-at pas ndeshjes.
Disa vëzhgues mbretërorë sugjeruan se ishte një mospërfillje nga ana e Chopra-s, pasi Meghan Markle bëri vërejtje për Kate gjatë intervistës së saj për Oprah Winfrey. Meghan pretendoi se kunata e saj e bëri atë të qante dhe i lëndoi ndjenjat gjatë një diskutimi rreth veshjeve të vajzave të luleve, përpara dasmës së saj me Princin Harry, si dhe akuzoi familjen mbretërore për racizëm. Një burim ka thënë më parë për E!News se Meghan i ka treguar Priyanka-s rreth gjërave që duhej të kalonte kur ishte pjesë e familjes mbretërore.
