SHBA- Shtetet e Bashkuara të Amerikës do të përballen përsëri me protesta dhe dhunë pasi policia e Mineapolis qëlloi dhe vrau një të ri të zi 20 vjeçar, Daunte Wright, në vendin ku George Floyd u vra vitin e kaluar.
Qindra njerëz u mblodhën në qytetin e Mineapolis me postera që kërkonin “Drejtësi për George Floyd” . Ata u përballën me policinë e vendit vetëm disa orë pas vrasjes së 20 vjeçarit të paarmatosur.
Policia e qytetit të Brooklyn përdori gaz lotësjellës kundër turmës së protestuesve që ishin mbledhur jashtë stacionit të policisë. Policia nuk ka dhënë arsye për qëllimin dhe vrasjen e Duante Wright, por dëshmitarët thanë që policia i kishte kërkuar djalit të dilte nga makina për shkleje të rregullave rrugore. Kur oficerët zbuluan se djali kishte një xhobë të papaguar, ata u përpoqën t’a merrnin atë në paraburgim.
Ai u kthye përsëri në makinën e tij dhe një nga oficerët tërhoqi pistoletën e tij dhe e qëlloi atë. Djali ra në tokë, i vdekur. Familja Duante Wright kanë kërkuar drejtësi për vrasjen e djalit të tyre pasi ai ishte i paarmatosur dhe nuk meritonte të vdiste.
Protestat në Mineapolis sapo kanë filluar dhe kaosi vazhdon të përhapet nëpër tërë qytetin. Frika më e madhe është që protestat do të përhapen edhe në shtetet e tjera të SH.B.A-së duke krijuar përsëri një situatë kaotike si ajo e vitit 2020.
