Tiranë- Spitali COVID 2 është ‘blinduar’ nga forcat e policisë. Dritan Dajti i cili u prek pak ditë më parë nga COVID është transportuar nga spitali i Burgut drejt Infektivit për të bërë një skaner.
Nën masa të rrepta dhe i shoqëruar me efektivë policie , Dajti ka mbërritur tek spitali Infektiv, masa të marra që pas lënies së qelisë të komisariatit nr.4.
Po ashtu ditën e sotme, edhe Emilajno Shullazi la qelinë e ‘burgut të errët’ për t’u nisur drejt QSUT për një trajtim mjeksor, por në momentin që kanë marrë informacion për gjendjen e Dritan Dajtit i cili duhej të dërgohej me urgjencë në Infektiv e kanë anuluar vizitën e Shullazit i cili është rikthyer sërish në qeli.
