Kryeministri Edi Rama, ka njoftuar se është arritur dakordësi me kompaninë amerikane “Pfizer” për të nisur vaksinimin kundër Covid-19 , në janar.
“Në kushtet skajshmërisht të vështira si pasojë e kërkesës globale marramendëse dhe sasisë ende tejet të vogël të prodhimit, kemi dakordësuar në parim pas kontaktesh intensive nga të katër anët, tekstin e marrëveshjes me Pfizer për të nisur vaksinimin në janar!
Kryeministri akuzon ashpër Bashkimin Europian, për atë që e quan diferencim të Ballkanit në këtë betejë.
“I papranueshëm moralisht, polikisht, logjikisht diferencimi që BE-ja i bëri Ballkanit po ia dolëm sidoqoftë me diplomaci e me këmbëngulje të mos mbetemi mbrapa askujt. Dhe nuk do të ndalemi deri në sigurimin e dozës së fundit. Fjalët mbrapsht atyre që vazhduan me sharje e akuza”, shkruan Rama.
