Kryeministri Edi Rama ka reaguar pas deklaratave të bëra më herët gjatë ditës nga kreu i demokratëve Lulzim Basha. Në një postim në Twitter, Rama shkruan se energjitë tashmë mazhoranca do t’i harxhojë vetëm për triumfin e vendit.
Kreu i qeverisë shprehet se humbësit fokusohen tek fituesit, por shton ai, mandati i tretë nuk do t’i ngjajë dy të parëve në raport me humbësit. Ai thekson edhe një herë se dora e qeverisë do të jetë e shtrirë dhe ftesa e tyre vijon të jetë e hapur.
Humbësit fokusohen tek fituesit. Fituesit fokusohen tek fitorja!Mandati ynë i Tretë nuk do t'i ngjajë dy të parëve në raport me humbësit.Ata le të merren me ne, ne do të merremi me ngjitjen e Shqipërisë në majë.Dora jonë për ta do jetë e shtrirë.Ftesa jonë për ta është e hapur!
— Edi Rama (@ediramaal) May 4, 2021
Kujtojmë se kryetari i PD, Lulzim Basha duke folur për mediat i quajti edhe një herë zgjedhjet një masakër zgjedhore. Ai shtoi se PD po vazhdon mbledhjen e fakteve të asaj, që sipas tij, që ka ndodhur në zgjedhjet e 25 prillit.
