Tiranë– Kryeministri Edi Rama ka publikuar në rrjetet e tij sociale, fotot e dy fëmijëve teksa pozonin tek pema e Krishtlindjeve, e vendosur në qendër të sheshit “Skënderbej”.
Krahas fotos së dy vogëluueshëve që përqafojnë njëri-tjetrin. Të dy këta vogëlushë në foton e publikuar nga kryeministri janë fëmijët e pedagogut Arlind Qorri, i cili menjëherë pas publikimit të fotove, i revoltuar ka reaguar për këtë veprim të Ramës.
“Për të ruajtur njëfarë privatësie dhe për të mos hedhur grepin e lehtë të gjuajtjes së pëlqimeve në rrjetet sociale, deri më sot nuk kam postuar asnjë foto të fëmijëve të mi. Po ç’të shoh?! Sonte – pa kërkuar leje dhe pa grimë etike – imazhin e tyre e ka përdorur për propagandë ai që nuk ndalet përpara asgjëje. Amla dhe Blini, si të gjithë bashkëmoshatarët e tyre, janë fëmijë të bukur. Por nuk është më e tillë Shqipëria që Edi Rama dhe sëra e tij e kanë përçudnuar si mos më keq,”-shkruan Qorri.
