Pas dy vitesh pa shtëpi, për shkak të shembjes nga tërmeti tragjik i 26 nëntorit, 226 familje në Manzë të Durrësit do të futen javën e ardhshme në banesat e reja. Lajmi është bërë i ditur nga kryeministri Edi Rama i cili ka postuar një video në Facebook, ku tregon pamje të kompleksit të ri të banimit.
“Mirëmëngjes dhe me apartamentet e reja në Manëz të Durrësit, të cilat do të hapin dyert për 226 familje javën e ardhshme, ju uroj një ditë të mbarë”, shkruan Rama.
Rindërtimi po ecën me ritme të shpejta, teksa qeveria ka deklaruar se i gjithë procesi pritet të përfundojë pranverën e këtij viti.
