LEZHË– Kryeministri Edi Rama, në një aktivitet politik në Lezhë, nuk kaloi pa e përmendur kreun e shtetit, Ilir Meta. Në fjalën e tij, Rama tha se 25 prilli është një zgjedhje mes drejtësisë së re dhe presidentit Meta, duke shtuar se Basha nuk është rrezik për vendin. Ndërsa shtoi edhe njëherë se kryedemokrati është një “kukull” në duart e presidentit dhe ish-kryeministrit Ilir Meta.
“Troç fare, është një zgjedhje mes drejtësisë së re dhe Ilir Metës, shumë thjeshtë. Kush zgjedh sidomos LSI-në, zgjedh Ilir Metën dhe jo drejtësinë dhe duke qenë se Ilir Meta është i gatshëm të japë dorëheqjen, siç ka thënë, pas 25 prillit kur të fitojmë ne dhe ne do fitojmë, atëherë ky është rasti për të gjithë ata, të cilët duan ta çlirojnë këtë vend nga barra gjithmonë e më e rëndë e imazhit që i krijon ky njeri që ka marrë peng Presidencën dhe ka marrë peng Kushtetutën, duke e shpërfytyruar komplet rolin e kryetarit të shtetit që Kushtetua e sanksionon më së miri, të bëjë zgjedhjen e qartë. Lulzim Basha nuk është rrezik për demokracinë. Lulzim Basha nuk është problemi i këtij vendi. Lulzim Basha është një kukull në duart e Sali Berishës dhe Ilir Metës, që e kanë lidhur me zinxhirin e Monikës, që e kanë rrethuar me një tabor krushqish të uritur, që janë njëri më i mos o zotshëm se tjetri dhe që janë faktikisht një kukull që nuk argëton askënd, përkundrazi, nuk i duhet askujt,“-tha Rama.
PJESË NGA FJALA:
Këto zgjedhje janë zgjedhje mes të ardhmes e të shkuarës, janë zgjedhje mes taksës progresive e Taksës së Sheshtë që është armiku real i ekonomisë së të gjithë atyre që fitojnë më pak, qoftë në punë, qoftë në sektorin publik apo privat, qoftë në biznes. Është zgjedhje mes Rilindjes Urbane që duhet të vazhdojë e duhet të shtrihet në formën e Rilindjes Rurale edhe më thellë në zonat rurale të vendit dhe anti-qytetarisë në planifikim dhe në ndërtim që ka karakterizuar gjithmonë PD-në. Është zgjedhje mes shëndetësisë që duam dhe asaj që kishim e kështu me radhë. Troç fare, është një zgjedhje mes drejtësisë së re dhe Ilir Metës, shumë thjeshtë. Kush zgjedh sidomos LSI-në, zgjedh Ilir Metën dhe jo drejtësinë dhe duke qenë se Ilir Meta është i gatshëm të japë dorëheqjen, siç ka thënë, pas 25 prillit kur të fitojmë ne dhe ne do fitojmë, atëherë ky është rasti për të gjithë ata, të cilët duan ta çlirojnë këtë vend nga barra gjithmonë e më e rëndë e imazhit që i krijon ky njeri që ka marrë peng Presidencën dhe ka marrë peng Kushtetutën, duke e shpërfytyruar komplet rolin e kryetarit të shtetit që Kushtetua e sanksionon më së miri, të bëjë zgjedhjen e qartë. Lulzim Basha nuk është rrezik për demokracinë. Lulzim Basha nuk është problemi i këtij vendi. Lulzim Basha është një kukull në duart e Sali Berishës dhe Ilir Metës, që e kanë lidhur me zinxhirin e Monikës, që e kanë rrethuar me një tabor krushqish të uritur, që janë njëri më i mos o zotshëm se tjetri dhe që janë faktikisht një kukull që nuk argëton askënd, përkundrazi, nuk i duhet askujt.
