Temperaturat në Tokë do të kalojnë pikën kyçe të rrezikut nëse emetimet e gazit nuk bien më shpejt nga sa janë zotuar vendet më të industrializuara të botës. Kështu deklaroi të hënën Paneli Ndërqeveritar për Klimën në raportin e tij, ku paralajmërohet për pasoja nga mosveprimi, por edhe duke konstatuar sinjale progresi.
“Jemi në rrugën e ngrohjes globale me më shumë se dyfishi i kufirit prej 1.5 gradësh, i rënë dakord në Paris. Lider të qeverive dhe bizneseve thonë një gjë, por bëjnë një gjë tjetër. Thjesht, ata po gënjejnë. Rezultatet do jenë katastrofike. Kjo është një emergjencë”, tha Antonio Guterres, sekretar i përgjithshëm i OKB-së.about:blank
Shumë ekspertë deklarojnë se objektivi është i paarritshëm me teknologjitë aktuale dhe paralajmërojnë se edhe nëse arrihet, do të ketë një kosto shumë më të lartë se parandalimi direkt i emetimeve. “Mesazhi kryesor është se aktivitetet e njeriut krijuan këtë problem dhe vetëm njeriu mund të na nxjerrë prej tij. Mendoj se mesazhi më shpresëdhënës është se po përpiqemi të ecim përpara. Jo gjithçka është e humbur. Kemi shansin për të bërë diçka”, u shpreh James Skea, kryetar i Panelit Ndërqeveritar për Klimën.
Mes propozimeve për zgjidhjen e problemit spikasin kalimi drejt energjisë së rinovueshme, si panelet diellore dhe mullinjtë me erë, apo elektrifikimi i transporteve.
