Një kat i tërë i shkatërruar, zjarre, xhama të thyer, kosha mbeturinash të djegur dhe madje një përpjekje për të thyer një portë.
Një revoltë e plotë, e cila ndodhi midis 7 dhe 9 marsit, organizatorët e së cilës u “arrestuan” këtë mëngjes, pavarësisht se janë në burg.
Në total, 9 të burgosur janë identifikuar si nxitës të trazirave në burgun Rebibbia në Romë, të akuzuar për “shkatërrim dhe plaçkitje“, përfshirë “hapjen e qelive të të burgosurve dhe pjesëmarrjen aktive në heqjen e ilaçeve në infermieri dhe shkatërrimi i ambienteve”, si dhe “mbështetjen e dhunës dhe marrjen e rolit udhëheqës në zhvillimin e revoltës”. Midis “nxitësve” të pretenduar të revoltës ishte edhe shqiptari Anxhelos Mirashi (i quajtur “Angioletto”) , i përfshirë në trafikun e drogës.
Revolta në sesionin G11 të burgut gjithashtu rezultoi në dhunë ndaj oficerëve të policisë.
Të burgosurit që “iknin”, në një moment kishin “rrethuar dhe sulmuar, duke goditur me shkelma dhe grushte, ndihmësin Patrick Menicucci, duke e bërë atë të binte në tokë”. Sapo vodhën çelësat nga polici, të burgosurit “rrëmbyen” oficerë të tjerë duke mbyllur portën e repartit pas tyre.
Gjashtë persona sulmuan më pas infermierinë, duke shkatërruar dhe plaçkitur çdo gjë që ata gjetën, përveç dëmtimit të sistemit të mbikëqyrjes. Agjentët e Policisë së Burgjeve kanë pësuar trauma të llojeve të ndryshme, duke përfshirë të nxira dhe, për një polic, këputjen e ligamentit.
Ndërsa hetimet vazhdojnë për të zbardhur plotësisht ngjarjen, nuk ka referenca mbështetje të jashtme të revoltës.
