Tiranë- Rihapen kinematë në vend 7 muaj pas urdhërit të mbylljes për shkak të pandemisë COVID-19.
Urdhëri është publikuar në Fletoren Zyrtare nga Ministrja e Shëndetësisë, Ogerta Manastirliu, por nuk paraqet asnjë udhëzim për masat e marra ndaj COVID-19. Urdhëri i ri njofton lejimin e hapjes së kinemave, që prej urdhrit të mbylljes së kinemave, tetarove dhe koncerteve muzikore, urdhër i datës 29 maj 2020.
URDHËROJ
Në urdhrin nr. 351, datë 29.5.2020 “Për marrjen e masave të veçanta dhe kufizimeve për parandalimin e përhapjes së COVID-19”, të ndryshuar, bëhet ndryshimi si më poshtë vijon:
1. Në pikën 3, germa “b”, termi “kinematë”, shfuqizohet.
2. Aktiviteti i kinemave të ofrohet në përputhje me protokollet e miratuara nga Instituti i Shëndetit Publik për parandalimin e përhapjes së infeksionit COVID-19.Ky urdhër hyn në fuqi menjëherë dhe botohet në Fletoren Zyrtare.
MINISTËR I SHËNDETËSISË DHE MBROJTJES SOCIALE: Ogerta Manastirliu
