Arjan Shabanaj,50 vjeçar banues në Selenicë rezulton i humbur që prej mbrëmjes së 21 prillit.Ka 9 ditë dhe ka humbur kontaktet me familjen e tij,pasi jetonte me të ëmën.
Me profesion kuzhinier ka punuar për më tepër se 15 vite në vend e Europë.Nuk dihet ende fati i 50 vjeçarit i cili është zhdukur pa asnjë gjurmë.
Tefta Shabanaj,e ëma e 50 vjeçarit ka deklaruar për Alba News ditën e sotme se i biri është zhdukur që prej mbrëmjes së 21 prillit dhe nuk ka më asnjë kontakt me të.
Ai ka qenë në Selenicë,e më pas ka lajmëruar se do të shkonte në Vlorë,por nuk dihet më ç’ka ndodhur me të.Sipas saj djali nuk ka pasur asnjë problem,asnjë konflikt gjë që mund të çonte në zhdukjen e tij.Gjithashtu pohon se ai nuk vuante nga probleme shëndetësore.Ka bërë denoncim në polici që prej orës 3 të mëngjesit të 22 prillit, por asnjë përgjigje nga ana e DVP Vlorë.
Madje e moshuara ngre akuza se policia nuk po bën aspak punën e saj. Për Tefta Shabanajn shpresa për gjetjen e djalit ka humbur,pasi kanë kaluar 9 ditë e asnjë gjurmë e tij.50 vjeçari është i ndarë nga bashkëshortja, ndërsa i biri jeton në Spanjë.Arjani jetonte vetëm me të ëmën në Selenicë.
Sipas Teftës,djali nuk dilte nga shtëpia,por qëndronte gjithmonë brenda,vetëm në rast se do të dilte për punë.
Policia e Vlorës e kontaktuar është shprehur se po vijon në terren puna për gjetje e 50 vjeçarit.
