Këngëtarja shqiptare Rita Ora do të mbajë një koncert në Tiranë së shpejti. Ajo e ka dhënë njoftimin përmes rrjeteve sociale, ku është shprehur e emocionuar për këtë rikthim në Shqipëri.
“Jam shumë e emocionuar dhe e nderuar të njoftoj se do të kthehem në Tiranën time të dashur. @erionveliaj më ka ftuar të performoj në një koncert falas për të festuar për Tiranën e Shqipërisë si Kryeqyteti Evropian i Rinisë 2022! 6 shtator në Sheshin Skënderbej,” -ka shkruar Rita. Në një postim tjetër në Story, Rita ka shkruar se i pëlqen shumë të bëjë koncerte falas për vendin e saj dhe njerëzit e saj në Shqipëri.
Më pas ajo ka falënderuar kryetarin e bashkisë Erion Veliaj dhe i ka ftuar të gjithë në shesh më 6 shtator.
