Euronews Albania sjell rrëfimin e një eskorte, vajzë shqiptare në kryeqytet dhe arsyet që e çuan drejt shitjes së trupit. Ajo shprehet se e ka nisur këtë “profesion” në moshën 21-vjeçare, rreth 7 vite më parë.
Arsyeja që e ka shtyrë këtë vajzë të marrë këtë vendim ka qenë tepër e thjeshtë, të vishet mirë dhe të duket e bukur. Duke qenë se rroga në Shqipëri është e pamjaftueshme për të bërë një jetë luksi, atëherë pa si të vetmen mënyrë që ta realizonte këtë, shitjen e trupit.
Vajza e cila nuk ka dashur të zbulojë identitetin e saj, tregon se në Shqipëri ky fenomen është kthyer në një profesion të vërtetë, edhe pse ilegal. Sipas dëshmisë së saj, shumë vajza të tjera kanë zgjedhur të njëjtën menyrë jetesë, për të siguruar para të shumta dhe në mënyrë të shpejtë.
Klientët e tyre zakonisht janë njerëz me para dhe pushtet, të cilët ndiejnë nëvojën e shoqërimit të një vajze e cila paguhet në këmbim të kësaj shoqërie, duke i ofruar edhe marrëdhenie seksuale. Ajo tregon se pjesë e klientelës së saj janë edhe biznesmenë të huaj, kryesisht nga Italia dhe Turqia, të cilët vijnë në Shqipëri për biznes, por njëkohësisht, pse jo edhe një “shoqëri” të mirë me vajza eskorta.
Vajza tregon se në fillim të “karrierës” së saj është paguar rreth 100 euro për 1-2 orë, por me kalimin e kohës ajo ka investuar tek vetja me ndërhyrje të ndryshme kirurgjikale, gjë e cila ka sjellë edhe rritjen e çmmit në 200 euro për 1-2 orë.
Klikoni këtu për të parë videon e rrëfimit
