Shakira po merret me projekte të reja, po përgatitet për albumin e saj të parë pas pesë vjetësh, mes asaj që ajo e përshkruan si ‘ora e saj më e errët’. Ajo është akuzuar për mashtrim tatimor nga qeveria spanjolle (gjë që ajo e mohon), dhe marrëdhënia me yllin e futbollit #GerardPiqué ka marrë fund. “Është e vështirë të flasësh për këtë, veçanërisht sepse ende nuk ka kaluar, sepse jam në sy të publikut, por edhe sepse ndarja jonë nuk është një ndarje e rregullt… Ka qenë e vështirë jo vetëm për mua, por edhe për fëmijët e mi. Tepër e vështirë.”
Një martesë 12-vjeçare që mori fund krejt papritur. Megjithatë, ndonëse në qendër të vëmendjes, Shakira vendosi të heshtë, pa bërë komente për ndarjen, me gjithë presionin mediatik të lajmeve, shpeshherë të pasakta, por edhe abuzuese.
Megjithatë, në një intervistë për ‘Elle’ të muajit tetor, këngëtarja kolumbiane tregoi se sa e vështirë ka qenë jeta pasi mori fund martesa 12-vjeçare me Pique.
Këngëtarja 45-vjeçare komentoi ndarjen duke pranuar publikisht se është një gjendje e vështirë: “Është vërtet e vështirë që të flas, veçanërisht pasi kjo është hera e parë që e trajtoj këtë çështje në një intervistë. Kam heshtur dhe thjesht jam përpjekur të përpunoj gjithçka. Është e vështirë të flasësh, sepse ende s’e kam kaluar, sepse jam në sy të publikut dhe se ndarja jonë nuk ishte e rregullt. Kështu ka qenë e vështirë jo vetëm për mua, por edhe për fëmijët e mi. Tepër e vështirë.”
Këngëtarja tha ndër të tjera se kjo situatë ka qenë veçanërisht e vështirë për familjen e saj: “Unë jam përpjekur ta fsheh situatën para fëmijëve të mi. Mundohem ta bëj dhe t’i mbroj ata, sepse ky është misioni im i parë në jetë. Por më pas ata dëgjojnë gjëra në shkollë nga miqtë e tyre ose hasin në disa lajme të pakëndshme në internet, dhe kjo thjesht i lëmdon ata”
Pyetjes së si e kuptoi që lidhja kishte marrë fund, Shakira nuk preferoi t’I përgjigjet, por theksoi: ‘Mendoj se ato detaje janë shumë private për t’i ndarë, të paktën në këtë moment.’
Ndërsa për faktin si e menaxhon këtë gjendje, këngëtarja kolumbiane tha: “I kujtoj vetes se duhet të bëhem shembull për fëmijët e mi, që unë duhet të jem ajo që ata duan, ajo që dua që ata të bëhen. Dhe dua të jem aty, gjithashtu, për të gjithë njerëzit që më kanë treguar dashurinë dhe mbështetjen e tyre. Kjo është forca ime më e madhe. Ky është motori im më i fuqishëm për momentin.”
Shakira e di se ka mbështetjen që i nevojitet për të ecur përpara pavarësisht pengesave. “Sa herë që jeta të vë në provë, mendoj se gjithmonë gjen një dorë ndihme që mund ta kapësh ndërsa qan. Unë mendoj se edhe kur ndiheni sikur po bini në një humnerë që nuk ka fund, ka gjithmonë një rrjetë të caktuar sigurie në fund. Dhe kjo rrjetë sigurie është formuar nga familja dhe miqtë.”
