Disa banore të “5 majit” kanë hyrë në Presidencë për tu takuar me kreun e shtetit Ilir Meta. Ditën e sotme disa banesa të tyre u shembën ndërsa procesi është shoqëruar edhe me tensione të shumta.
Ata kërkojnë nga presidenti një zgjidhje.
Banorët e zonës së “5 majit” kanë protestuar sërish ditën e sotme dhe ata janë shprehur se janë kundër prishjeve të banesave pa kryer akt-marrëveshjen me bashkinë e Tiranës.
Më herët ata kanë protestuar disa herë, madje edhe para parlamentit për padrejtësinë që po u bëhet.
Disa prej banesave në zonë janë në proces legalizimi ndërsa për disa të tjera banorët gëzojnë certifikatë pronësie.
