Një konflikt i çastit në fshatin Moravë mes disa të rinjve ka përfunduar në dëmtime trupore të një gruaje.
Konflikti për arsye banale, ka ndodhur paraditen e sotme. Gjatë sherrit njëri prej të rinjve ka nxjerrë një armë dhe ka qëlluar në ajër.
Është kapur nga policia dhe po ashtu është gjetur arma.
Për sa i përket nënës së këtij të riu, dyshohet se gjatë konfliktit ajo mund të jetë dëmtuar me thikë por rrethanat janë ende të paqarta edhe për policinë e cila po vijon hetimet dhe të marrë në pyetje të gjithë personat e ndodhur në momentin e konfliktit.
Dyshohet se e plagosura me thikë, është nëna e njërit prej të rinjve dhe ndodhet në spital jashtë rrezikut për jetën.
