Katër persona u arrestuan pas një hetimi të gjatë të policisë në Savona në lidhje me tregtinë e drogës në zonë.Katër persona u arrestuan pas një hetimi të gjatë të policisë në Savona në lidhje me tregtinë e drogës në zonë.
Tre vëllezër shqiptarë përfunduan në pranga, përkatësisht Dashmiri, 31 vjeç, Muharremi, 36 vjeç dhe Ylli Mema, 48 vjeç. Bashkë me ta u arrestua edhe një shtetas italian, Gabriele Pedemonte i prangosur më herët me 3 kg hashash dhe i vendosur nën arrest shtëpiak.
Tre shqiptarët prisnin klientë në shtëpi ose në afërsi të banesës së tyre, duke shitur drogë në sasi të vogla dhe shpesh edhe duke i fshehur ato në lodrat e fëmijëve.
Ditët e fundit, hetuesit e policisë i kishin vënë nën vëzhgim dhe duke përdorur edhe qenin antidrogë, sekuestruan 300 gram kokainë si dhe 500 euro.
Mediat italiane shkruajnë se klani shqiptar shiste rreth 1 kg drogë në muaj dhe përveç shtëpisë droga shitej edhe në parkingun e spitalit San Paolo.
