Në pranga kanë përfunduar 27 persona mes tyre edhe shqiptarët si pjesë e një bane të madhe të drogës që u shkatërrua pas ‘Operacionit Sky’ të zhvilluar nga autoritetet belge.
Sipas mediave të huaja, është sekuestruar sasia rekord e drogës 1.6 ton me vlerë 80 milionë euro. Policia bastisi 23 vende duke vënë në pranga persona me precedentë penalë, e gjitha falë mesazheve të koduara nga telefonat Sky ECC.
“Rreth 580 kilogramë kokainë u kapën gjithashtu, si dhe më shumë se 1.6 ton drogë për një vlerë të vlerësuar të rrugës prej më shumë se 80 milion euro,”-thuhet në njoftimin e bërë nga mediat vendase. Po ashtu gjatë aksionit u sekuestruan 10 armë zjarri, përfshirë 5 kallashnikovë. 80,000 euro në para të gatshme, një duzinë automjetesh, disa telefona dhe disa kuaj u sekuestruan gjithashtu.
Hetimi filloi 3 vjet më pare për këtë dosje, por që vetëm së fundmi pati goditje të organizatës kriminale.
