Autoritetet policore në Greqi kanë shkatërruar një grup të trafikut të drogës. Në pranga u vunë 8 persona, të cilët ishin nga Shqipëria, Nigeria dhe Gana. Ndërkohë në kërkim janë edhe 6 persona të tjerë.
Sipas mediave greke, trafiku i drogës (heroinë, kokainë dhe kanabis) bëhej në zonën e Metaxourgeio dhe kryesisht në rrugët Iasonos, Kolokynthous dhe Kerameikos në Athinë.
Droga ishte fshehur në pemë, tendë makinash, kosha mbeturinash dhe në pjesë të ndryshme të rrugës, ku personat e varur nga droga shkonin çdo ditë në zonë për të marrë lëndën narkotike.
Vihet re se një nga të arrestuarit ishte përgjegjës për vëzhgimin e lëvizjes së policisë, ndërsa informonte anëtarët e tjerë të organizatës dhe drejtonte lëvizjet e tyre.
Pas operacionit policia sekuestroi shumën prej 12,095 euro, 264 gram kanabis, 4 gram heroinë, 15 telefona celularë dhe një makinë private.
Të arrestuarit u dërguan në prokurorin e Gjykatës së Shkallës së Parë të Athinës, ndërsa hetimi për identifikimin e anëtarëve të tjerë të grupit vazhdon.
