Përdorimi i shpëlarësit të gojës, por edhe i fillit dentar mund të zvogëlojë rrezikun nga Covid-i i rëndë. Ky është rezultati i një studimi të fundit të kryer në Kaliforni.
Ekspertët thanë se gjetën një lidhje “domethënëse” mes shëndetit të dhëmbëve dhe rrezikut të pacientëve për t’u sëmurur rëndë nëse preken nga koronavirusi. Kështu, studiuesit thanë se mishrat jo të shëndetshëm të dhëmbëve mund të rritin rrezikun nga Covid-i, ndaj edhe njerëzit duhet të përmirësojnë higjienën e tyre orale.
Dr. Ahmed Mustafa Basuoni, nga Universiteti i Cairo-s në Egjipt, tha: “Indet gojore mund të veprojnë si një ‘rezervuar’ për koronavirusin, duke zhvilluar një ngarkesë të lartë virale në gojë. “Ne rekomandojmë përmirësimin e masave të higjienës orale, veçanërisht gjatë infektimit me Covid-19.
Dr. Basuoni tha se virusi mund të zhvillohet në mishrat e acaruar të dhëmbëve dhe një gojë jo e shëndetshme është një shenjë paralajmëruese se zemra dhe sistemi imunitar janë gjithashtu në rrezik. Studimi ku u bënë pjesë 86 pacientë me Covid, i bërë publik në konferencën mjekësore ACC në Lindjen e Mesme, zbuloi se kjo lidhje me higjienën orale ishte veçanërisht e fortë tek njerëzit që vuajnë nga sëmundjet e zemrës.
Njerëzit me dhëmbë të prishur ose mishra problematikë, zakonisht të enjtur, shpeshherë kanë probleme edhe me enët e gjakut. Në raste serioze, kur inflamacioni në trup është mjaft i lartë, mund të përkeqësojë gjendjen e Covid -it dhe të rritë rrezikun e vdekjes. Studimi shton gjithashtu një përfundim shumë të rëndësishëm: “Shëndeti i dobët oral është i lidhur veçanërisht në pacientët me sëmundje kardiake.” /CLASS
