Partia Demokratike kanë kallëzuar penalisht Agjencisë Rajonale të shërbimit veterinar dhe mbrojtjes së bimëve në Vlorë për shpërndarje të tolloneve të karburantit te fermerët.
Konkretisht kallëzimi penal është dorëzuar kundër Fejzi Nezha, i cili është përgjegjësi i sektorit të bujqësisë në atë Agjenci. Sipas kallëzimit të bërë nga PD-ja, Nexha ka kryer veprën penale të “Korrupsion aktiv në zgjedhje”, duke tentuar të blejë vota.
Njoftimi i PD:
Partia Demokratike dega Vlorë ka dorëzuar pranë organit të Prokurorisë së shkallës së parë të rrethit gjyqësor Vlorë kallezimin penal drejtuar Agjencisë Rajonale të shërbimit veterinar dhe mbrojtjes së bimëve, konkretisht për përgjegjësin e sektorit të drejtorisë Rajonale të Extensionit Bujqësor, Fejzi Nezha.
Kallëzimi ka ardhur pasi sipas Partisë Demokratike, ky i fundit ditën e sotme ( 24 prill 2021, heshtje zgjedhore) ka kryer veprën penale të Shpërdorimit “Korrupsion aktiv në zgjedhje” parashikuar nga neni 328a. Nezha, si drejtues i sektorit dhe punonjës të tjerë të Agjensise Rajonale të Bujqësisë, ditën e sotme kanë shpërndarë tollona karburanti tek fermerët.
Partia Demokratike e Vlorës e ka shoqëruar kallëzimin në Prokurori me fakte, pamje filmike të cilat vërtetojnë pretendimin.
