Lezhë- Gjatë mesnatës një sasi tritoli ka shpërthyer në oborrin e banesës së gazetarit, Elidon ndreka në Lezhë. Burime bëjnë me dije se lënda ka plasur rreth orës 00:30 pas mesnate, në portën e oborrit të gazetarit.
Ndreka është shprehur se nuk ka konflikte me njeri dhe arsyeja e vetme që mund të jetë bërë për vendosjen e lëndës plasëse është profesioni i tij si gazetar.
‘Atë do e zbardhë policia nëse mundet të zbardhet një akt i tillë. Dyshoj se mund të jetë për shkak të profesionit por nuk di ku të drejtoj gishtin, nuk e di kush’.- u shpreh gazetari.
Njoftimi i Policisë:
Më datë 30.10.2020, rreth orës 00:30, në fshatin Balldre , Lezhë, në pjesën e jashtme të hyrjes së banesës së shtetasit E.N, ka shpërthyer një sasi e vogël dyshohet lëndë plasëse, ku si pasojë ka vetëm dëme të vogla materiale. Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.
