Garda bregdetare e Suedisë ka identifikuar rrjedhjen e katërt të gazit në Detin Baltik, ka thënë një zyrtar i këtij shteti më 29 shtator. Në këtë det kalojnë tubacionet e gazsjellësit Nord Stream, i cili çon gaz nga Rusia në Gjermani. Tri rrjedhje – dy në zonën e Danimarkës dhe një në zonën e Suedisë – janë zbuluar këtë javë në dy tubacione të mëdha ruse, Nord Stream 1 dhe 2. NATO-ja dhe Bashkimi Evropian kanë thënë se rrjedhjet janë akt “sabotazhi” dhe janë zotuar se do të marrin masa për të mbrojtur infrastrukturën kritike evropiane.
“Janë dy rrjedhje në anën suedeze dhe dy në anën daneze”, ka thënë një zyrtar i Gardës kufitare për mediat të enjten.
Asnjëri tubacion nuk ka qenë duke u përdorur në kohën e shpërthimeve, mirëpo ato kanë qenë të mbushura me gaz i cili është duke u derdhur në Detin Baltik qw prej 26 shtatorit – kur janë identifikuar rastet e para.
Sizmologët nga Suedia dhe Danimarka kanë thënë se kanë regjistruar shpërthime të fuqishme në këtë zona të rrjedhjeve. Këto njoftime kanë shtyrë policinë në Suedi që të nisë hetime për mundësinë e sabotazhit. Inteligjenca e BE-së: “Anijet ruse ishin në zonën e rrjedhjeve të Nord Stream”
Dy zyrtarë të inteligjencës evropiane vunë në dukje se anijet mbështetëse të marinës ruse ishin në afërsi të rrjedhjeve në tubacionet Nord Stream. Është e paqartë nëse anijet kishin ndonjë lidhje me shpërthimet, thanë burimet, por është një nga shumë faktorë që hetuesit do të shqyrtojnë. Nëndetëset ruse u panë jo shumë larg atyre zonave javën e kaluar, tha një nga zyrtarët e inteligjencës.
Anijet ruse operojnë në mënyrë rutinore në zonë, sipas një zyrtari ushtarak danez, i cili vuri në dukje se prania e anijeve nuk tregon domosdoshmërisht se Rusia shkaktoi dëmin. Ne i shohim ato çdo javë, “tha ai.” Aktivitetet ruse në Detin Baltik janë rritur vitet e fundit.
Rrjedhja e katërt është identifikuar në gazsjellësin Nord Stream 2, i cili gjendet në afërsi të Rrjedhës Veriore, kanë thënë zyrtarët. Ky incident ka nxitur rritjen e çmimeve të gazit natyror në Evropë.
