Presidenti i Republikës Ilir Meta reagoi i shqetësuar lidhur me fenomenin e dhimbshëm të largimit të qytetarëve shqiptarë nga atdheu, të cilin e ka konsideruar projekt të qëllimshëm antikombëtar këtë shpopullim. Në një postim në rrjetet sociale, kreu i shtetit nënvizon se ka ardhur koha që të krijohet besim dhe shpresë te qytetarët që të ndërtojnë të ardhmen europiane në vendin e tyre.
Ai bëri thirrje që të shqiptarët të luftojnë kundër kësaj plage.
POSTIMI I ILIR METËS:Shpopullimi i Shqipërisë është një projekt i qëllimshëm antikombëtar.Më shumë se kurrë, Shqipëria ka sot nevojë për shpresë dhe besim, që shqiponjat të kthehen dhe të qëndrojnë në folenë e tyre, ku të jetojnë të qetë dhe të ndërtojnë të ardhmen e sigurt europiane!Të gjithë bashkë kundër shpopullimit të Shqipërisë!
Përgëzime gazetarit Marin Mema për profesionalizmin e tij.
