Shqipëria ka marrë tre pikë shumë të rëndësishme në ndeshjen e sotme përballë Kazakistanit.
Sfida e vlefshme për Nations League u mbyll në shifrat 3-1, në favor të kuqezinjve të Edi Rejas.
Autorët golave ishin Cikalleshi 16′, Ismajli 23′, Manaj 62′ dhe Abiken për miqtë. Goli I tij në minutën e 24′ me siguri do të jetë ndër më të bukurit e kompeticionit.
Me këtë fitore Shqipëria ngjitet në kuotën e 8 pikëve, 2 më pak se Bjellorusia e vendit të parë që mposhti sot 2-0 Lituaninë.
Ndeshja e rradhës, më 18 nëntor,(po në Air Albania) do të jetë pikërisht ajo me Bjellorusinë, ku me siguri do të vendoset edhe vendi I parë në Grupin 4 të League C.
Ndeshja startoi në orën 18:00 në “Air Albania”, sfida ty mes Shqipërisë dhe Kazakistanit, e vlefshme për Ligën e Kombeve. Objektivi i kuqezinjve është padyshim fitorja, për të shpresuar deri në fund, te vendi i parë në grup.
Trajneri Edi Reja, e ka vlerësuar maksimalisht këtë përballje, duke mos bërë shumë eksperimente, për sa i përket titullarëve. Ndryshe nga ndeshjet e fundit, tekniku italian, ka rikthyer besimin te “garda e vjetër”, ku spikasin emrat e Memushajt, Abrashit dhe Cikalleshit. Përballja e sotme një “finale” për Shqipërinë. Pasi në rast të një triumfi të munguar, vendi i parë do të kthehej në një mision të pamundur!
LIVE: SHQIPËRI – KAZAKISTAN 3-1
Cikalleshi 16′, Ismajli 23′, Manaj / Ajmbetov 24′
KOMENTI LIVE:
36′ Të pafat kuqezinjtë! E pabesueshme! Uzuni dhe Hysajn nuk arrijnë të shtyjnë dot topi në rrjetë shumë pranë vijës fatale. Nuk iu besojnë syve kuqezinjtë…
34′ Goditje dënimi për Shqipërinë. Provon Memushaj nga distanca, por topi shkon mbi kuadrat.
31′ E pabesueshme çfarë humbet Uzuni i vetëm përballë portierit. Talenti beratas, ka provuar me një goditje klasi, por është nxituar duke gabuar gjithçka.
29′ Abrashi ndëshkohet me karton të verdhë duke humbur ndeshjen e radhës ndaj Bjellorusisë.
24′ GOL KAZAKISTANI 2-1/ E pabesueshme! Miqtë realizojnë nga mesi i fushës me anët të Ajmbetov! Kuqezinjtë “dehen” nga goli i Ismajlit! Përfiton futbollisti mik, i cili me një perlë nga mesi i fushës shtangu Berishën.
23′ GOOOOOOL SHQIPËRIA 2-0/ Realizon edhe mbrojtësi Ismajli. Pas një këmbëngulje të admirueshme, shqiptari përfiton nga rrëmuja në portën e Kazakistanit dhe nuk fal brenda zonës duke e dërguar topin në rrjetë.
16′ GOOOOOL SHQIPËRIA 1-0/ Zhbllokohet sfida! Sokol Cikalleshi kalon në avantazh kuqezinjtë. Pas harkimi nga e djathta nga ana e Memushajt, bomberi kavajas nuk fal duke goditur saktë me kokë. Goli i parë i Shqipërisë në stadiumin e ri “Air Albania”
12′ Minuta të mira për kuqezinjtë që kërkojnë me ngulm golin e avantazhit, duke ushtruar presion të vazhdueshëm në zonën e kazakëve.
9′ Pranë golit Shqipëria me Manajn. Pas krosimit të Hysajt nga e djathta, sulmuesi lushnjar godet bukur me kokë, por reagon mjaft mirë, portieri i Kazakistanit, që e dërgon rrezikun në këndore.
8′ Shqipëria fiton goditje e parë nga këndi.
5′ Drithërima në portën e Shqipërisë. Numri 11 i Kazakistanit, Vorogovski, provon me një predhë me të majtën nga distanca, Berisha reagon mjaft mirë duke e devijuar në këndore.
