Pfizer pret të fitojë rreth 15 miliardë dollarë të ardhura nga vaksina e saj kundër Covid-19 këtë vit, tha kompania të martën.
Projeksioni i Pfizer për fitimet nga vaksina në 2021-shin përfshin kryesisht doza që priten të dorëzohen sipas kontratave ekzistuese, por ende priten kontrata të reja, kështu që të ardhurat mund të jenë edhe më të mëdha.
Pfizer tha po ashtu se ka dërguar 65 milionë doza deri më tani, përfshirë 29 milionë në Shtetet e Bashkuara.
Kompania tha se potencialisht mund të bëjë një total prej 2 miliardë dozash në të gjithë botën deri në fund të vitit 2021, megjithëse nuk është e sigurt nëse do të mund t’i shesë të gjitha ato doza.
Pfizer është vaksina e parë që u miratua për përdorim emergjent në Mbretërinë e Bashkuar dhe Shtetet e Bashkuara.
