Ekspertët e sigurisë së Organizatës Botërore të Shëndetit po përgatiten të takohen për vaksinën e koronavirusit të AstraZeneca, përhapja e së cilës është ndalur në disa vende evropiane për shkak të frikës nga mpiksja e gjakut.
Tre shtetet më të mëdha të BE – Gjermania, Italia dhe Franca – u bashkuan me të tjerët në pezullimin e të vaksinimit të hënën, duke i dhënë një goditje fushatës globale të imunizimit kundër një sëmundjeje që ka vrarë më shumë se 2.6 milionë njerëz.
Organizata Botërore e Shëndetësisë, AstraZeneca dhe Agjencia Evropiane e Barnave (EMA) kanë këmbëngulur se vaksina është e sigurt dhe se nuk ka asnjë lidhje midis vaksinës dhe mpiksjeve të gjakut të raportuara.
“Ne nuk duam që njerëzit të frikësohen dhe, për momentin, do të rekomandonim që vendet të vazhdojnë vaksinimin me AstraZeneca”, tha të hënën shefi i shkencës së OBSH, Soumya Sëaminathan.
“Deri më tani, ne nuk gjejmë ndonjë lidhje midis këtyre ngjarjeve dhe vaksinës.”
EMA tha në një deklaratë se “ mijëra njerëz pësojnë mpiksje gjaku çdo vit në BE për arsye të ndryshme” dhe se numri i incidenteve tek njerëzit e vaksinuar “duket se nuk është më i lartë se ai që shihet në popullatën e përgjithshme”.
Në një deklaratë, EMA “përfitimet e vaksinës AstraZeneca në parandalimin e Covid-19, me rrezikun e lidhur të shtrimit në spital dhe vdekjen, i tejkalojnë rreziqet e efekteve anësore”.
Ekspertët e OBSH dhe EMA të martën do të diskutojnë veçmas të dhënat nga vaksinimet me AstraZeneca dhe rregullatori evropian do të mbajë një takim të jashtëzakonshëm të enjten për të vendosur për ndonjë veprim të mëtejshëm.
Ekspertët kanë thënë se numri i mpiksjes së gjakut dhe rasteve të trombocitopenisë – një gjendje më e rrallë në të cilën njerëzit nuk prodhojnë trombocite të mjaftueshme – tek njerëzit që janë vaksinuar nuk është më i lartë se në popullatën që nuk ka marrë vaksinë.
