Zyrtarë të inteligjencës në SHBA, Britani, Kanada dhe BE janë të bindur se Rusia fshihej pas sulmit masiv kibernetik në ditët e para të nisjes së luftës, që nxorri mijëra modeme jashtë funksionit duke lënë miliona njerëz pa internet.
Sulmi ndaj satelitit Viasat’s (VSAT.O) KA-SAT ndodhi disa ditë pasi trupat ruse hynë në Ukrainë dhe sipas sekretarit amerikan të Shtetit, Antony Blinken ai kishte si qëllim të ndërpriste komunikimin e komandës ukrainase gjatë “operacionit special”.
Sekretarja e Jashtme britanike Liz Truss e quajti sulmin ndaj internetit satelitor të qëllimshëm dhe keqdashës ndërsa Këshilli i BE tha se ai shkaktoi ndërprerje komunikimi pa dallim në Ukrainë dhe disa vende anëtare të BE-së. Ndërprerja e Viasat mbetet sulmi kibernetik më i dukshëm publik i kryer që nga pushtimi rus i Ukrainës, pjesërisht për shkak se ai kishte pasoja të menjëhershme për përdoruesit e internetit satelitor në të gjithë Evropën dhe për shkak se modemet e gjymtuar shpesh duhej të zëvendësoheshin manualisht.
