Një adoleshente, e cila ishte e zhdukur prej disa ditësh, në Karolinën e Veriut u shpëtua nga policia, pasi ajo sinjalizoi për ndihmë duke përdorur një gjest dore të njohur në TikTok, për të përfaqësuar dhunën në shtëpi, sipas policisë.
16-vjeçarja nga Asheville, Karolina e Veriut, u raportua e zhdukur nga prindërit e saj të martën. Të enjten, një automobilist në Kentaki thirri 911 për të raportuar se kishte parë një vajzë në vështirësi në një automjet.
“Denoncuesi ishte pas automjetit dhe vuri re një pasagjere femër, duke bërë gjeste me dorë, që njihen në TikTok, si tregues dhunën në shtëpi: kam nevojë për ndihmë — dhunë në familje”, thuhet në deklaratën e postuar të premten.
Gjesti i dorës është një shenjë me një dorë që dikush mund ta përdorë kur është në ankth ose në situatë të vështirë, sipas Fondacionit Kanadez të Grave. Dikush që përdor sinjalin e mban dorën lart me pëllëmbën e kthyer nga jashtë, më pas fut gishtin e madh dhe mbyll gishtat për të kapur gishtin e madh.
Policia i tha filialit të CNN, se adoleshentja e kishte mësuar gjestin e dorës në TikTok. Personi që thirri 911 qëndroi pas automjetit për shtatë milje duke transmetuar informacione në polici, sipas WYMT. Policia ka mundur ta ndalojë makinën dhe ka shpëtuar adoleshenten. Personi, i cili e kishte mashtruar vajzën, dhe më pas kishte shfaqur shenja të abuzimit seksual, u arrestua.
