Roja e sigurisë tregon si autoritete e Katarit po abuzojnë me djersën emigrantëve, duke u shprehu se paguhen shumë pak dhe nuk bëjnë asnjë ditë pushim.
Kur tifozët e futbollit do të dynden vitin e ardhshëm në dyert e stadiumit Al Rajan Stadium në finalen e Kupës së Botës në 2022 në Katar, personat e parë që do të takojnë janë rojet e sigurisë.
Një ndër ta mund të jetë edhe Samuel, i cili ka emigruar nga Uganda për të punuar në Katar, në mënyrë që të sigurojë disa të ardhura. Në një intervistë për gazetën angleze “The Guardian”, Samueli thotë se i duhet të punojë 12 orë në kushte të vështira pune, ndërsa paguhet me një paund në orë të cilat nuk janë të mjaftueshme.
“Unë jam duke punuar 12 orë dhe nuk kam asnjë ditë pushimi. Duhet të thuash gënjeshtra, të thuash se je i sëmurë, nuk po ndjehesh mire në mënyrë që të kesh një ditë pushim,”- thotë ai.
Katari u zotua se kohët e fundit do të realizonte disa reforma gjithëpërfshirëse dhe afatgjata mbi kushtet e punës,ku përfshihej një pagë e re minimale. Lidhur me zotimin për rritjen e pagës minimale nga autoritetet, Samueli thonë se ende nuk ka parë përfitime dhe thotë se paguhet nën pagën minimale, e cila është vetëm 1 paund në orë plus ushqim.
Në javët e fundit, rojet nga dy kompani të sigurisë që operojnë pranë stadiumit në Katar kanë organizuar protesta mbi pagën dhe kushtet e punës. Shoqatat kombëtare të futbollit u bëjnë thirrje Katarit dhe FIFA-s që të ndërhyjnë për të mbrojtur të drejtat e punëtorëve.
