Vjedhja dhe pastrimi i parave publike nga mafia e incineratorëve është e përmasave të frikshme dhe implikon rëndë strukturat në varësi të Edi Ramës, bashkë me rrethin e tij në Kryeministri, që janë bërë mburojë e një krimi të zgjatur në kohë.
Dosja është radiografia e një shteti dhe pushteti mafioz, i korruptuar dhe i degjeneruar, që vjedh dhe pastron hapur paratë publike, pasi ka kapur organet ligjzbatuese.
Dosja e SPAK-ut ka dokumentuar vetëm një nga skemat e aplikuara për vjedhjen e vetëm një pjesë të parave publike të akorduara për inceneratorin e Elbasanit, ndërsa vjedhja e dhjetëra milionë eurove me inceneratorin e Tiranës dhe Fierit nuk është trazuar ende nga SPAK.
Skema mafioze e vjedhjes së parave publike është e thjeshtë.
Fillimisht, Lefter Koka dhe Alqi Bllako, me lejen e Bablokut, kanë bërë letrat e koncesionit korruptiv, duke paracaktuar kompanitë “Albtek Energy” dhe “Integrated Technology Services” për ndërtimin e koncesionit të Elbasanit.
Dy kompanitë kontrollohen nga treshja mafioze Klodian Zoto, Mirel Mërtirit dhe Stela Gugallja, bashkëshortja e Mërtirit. Tenderi ishte pa garë, i paligjshëm dhe korruptiv, pasi letrat janë bërë me një procedurë që nuk ekziston në ligjet shqiptare.
Duhet theksuar se mafiozi ndërkombëtar Mirel Mërtiri qëndronte gjithnjë në prapaskenë, pasi në skenë kishte nxjerrë Stela Gugalljan, sot në kërkim nga SPAK.
Lefter Koka si ministër Mjedisi, Alqi Bllako si sekretar i përgjithshëm, Klodian Zoto dhe Gugallja arrijnë t’i bëjnë letrat në Ministrinë e Mjedisit për koncesionin korruptiv, duke paraqitur për miratim në qeveri.
Edhe pse me procedurë të paligjshme, koncesioni merr ‘ok’ nga Sekretari i Përgjithshëm në Kryeministri, Engjëll Agaçi, dhe në dhjetor 2014 kalon në qeveri.
Edi Rama nuk ka pranuar të firmosë koncesionin korruptiv dhe të paligjshëm. Por me këmbënguljen e Lefter Kokës, ka firmosur Niko Peleshi, i cili ishte zëvendëskryeministër.
Skandali qëndron në faktin se SPAK ende nuk ka kërkuar arrestimin e Niko Pleshit dhe Engjëll Agaçi. Kaq është dashur dhe më pas treshja Zoto-Mërtiri-Gugallja të nisin ndarjen e para publike. Mes dengjeve me para publike, një vlerë 3.6 milionë euro e kanë ndarë me Lefter Kokën.
Në vitin 2016, Lefter Koka ka hapur një grup kompanish fantazmë në Durrës, në emër të njerëzve të tij të besuar, të cilat në këmbim kanë marrë ndonjë bashkish modest.
Nga ana tjetër, Zoto-Mërtiri-Gugallja kanë marrë një shumë 3.6 milionë euro në buxhetin e shtetit.
Këto shumë parash, treshja mafioze e kanë kaluar në llogaritë e kompanive të kontrolluara nga Lefter Koka gjatë viteve 2016-2017, gjoja për punime në inceneratorin e Elbasanin, por punimin kishin përfunduar që në vitin 2015.
Më pas këto kompani fantazmë i kanë kaluar një pjesë të parave në llogaritë e kompanisë së gruas së Lefter Kokës, Klodiana Koka, gradualisht nga viti 2016 deri në vitin 2020.
Një pjesë tjetër të parave kanë kaluar në llogaritë e kompanisë së vëllait të Lefter Kokëës. Një pjesë tjetër dyshohet se kanë kaluar me çanta cash. Kështu 3.7 milionë euro u fut në xhep Lefter Koka nga paratë publike.
Për 4 vite më radhë, Lefter Koka, gruaja e tij, Klodina Koka, një grup njerëzisht të tij, Klodian Zoto dhe Stela Gugallja nën markimin e Mirel Mèrtirit kanë vjedhur dhe pastruar paratë e shqiptarëve.
Nuk kuptohet se pse ende nuk është arrestuar Brunilda Koka. Askush nuk i ka ndaluar. Drejtoria për Parandalimin e Pastrimit të Parave nuk ka veruar, policia nuk ka vepruar, prokuroria nuk ka vepruar. Edi Rama jo vetëm që nuk ka vepruar, por ka shërbyer si mbrojë.
