Ambasadori i BE në Shqipëri Luigi Soreca ka takuar sot kryetarin e Partisë Demokratike Lulzim Basha, një ditë pasi ai u zyrtarizua si fitues në zgjedhjet e brendshme në selinë blu.
Soreca ka publikuar një foto nga takimi në “Twitter”, ku bën me dije se është folur për situatën politike në prag të legjislaturës së re.
“Pas rizgjedhjes së tij si Kryetar i Partisë Demokratike Shqipëri. U takova sot me Lulzim Bashën për të diskutuar situatën aktuale politike në prag të legjislaturës që nis në shtator, si dhe hapat e ardhshme me rëndësi në procesin e integrimit të Shqipërisë në BE”, shkruan Soreca në rrjetet sociale.
