TIRANË– Ditën e sotme, 10 mars 2022 pritet që të mbahet seanca e radhës së Kuvendit. Në rend dite është interpelanca e thirrur nga Partia Demokratike, deputetja Ina Zhupa me ministren e Arsimit e Arsimit, Evis Kushi, lidhur me maturën shtetërore.
“Në cilësinë e anëtares se Komisionit Parlamentar përgjegjës për çështjet e arsimit, një grup nxënësish dhe prindërish më kanë adresuar shqetësimet e tyre lidhur me organizimin dhe zhvillimin e Maturës Shtetërore për vitin shkollor 2021-2022. Këto shqetësime janë kthyer tashme në një praktikë të përvitshme, duke shkaktuar stres dhe ankth të vazhdueshëm tek nxënësit dhe familjet e tyre. Në këto kushte, në cilësinë e deputetes se Kuvendit të Shqipërisë, në mbështetje te nenit 80, pika 1 te Kushtetutës dhe nenin 96, pikat 1 dhe 2 te Rregullores se Kuvendit, kërkoj zhvillimin e një interpelance me Ministren e Arsimit dhe Sportit, Znj. Evis Kushi për të dhëne shpjegime dhe informacione lidhur me Maturën Shtetërore 2022”, thuhet në njoftim.
