Një stuhi dimri e ka kthyer Nju Jorkun në një zonë lufte.
Drejtuesit e mjeteve u bllokuan në makinat e tyre dhe të paktën 59 persona vdiqën pasi një ciklon goditi vendin.
Para Krishtlindjes miliona banorë u zhytën në kaos për shkak të ndërprerjeve të energjisë elektrike.
Pothuajse 50 inç borë u raportua gjatë tre ditëve në aeroportin Buffalo Niagara, ndërsa nw Jefferson County 22-41 inç borë.
Deri në 30 centimetra dëborë ra në qarkun Lewis gjatë tre ditëve, sipas sinoptikantëve.
Kathy Hochul e quajti ngjarjen e motit një fatkeqësi “epike, që ndodh një herë në jetë”.
Ajo paralajmëroi se dëmet e shkaktuara nga stuhia janë “shkatërruese” dhe tha se amerikanët u përballën me një situatë “kërcënuese për jetën”.
Hochul shtoi: “Është si të shkosh në një zonë lufte. Automjetet anëve të rrugëve janë tronditëse.”
Të paktën 27 persona kanë vdekur vetëm në Erie të Nju Jorkut dhe zyrtarët kanë frikë se numri tragjik do të rritet.
Ekzekutivi i qarkut Mark Poloncarz tha se 14 viktima u gjetën jashtë, ndërsa tre u zbuluan brenda një automjeti.
Poloncarz zbuloi se disa shoferë kishin ngecur në makinat e tyre për dy ditë.
Poloncarz paralajmëroi se “nuk është ende fundi” pasi ai e quajti ngjarjen “stuhinë më të keqe ndoshta në jetën tonë”.
Vdekje janë raportuar gjithashtu në Kolorado, Illinois, Kansas, Kentucky, Michigan, Missouri, Nebraska, Ohio, Oklahoma, Tenesi dhe Wisconsin.
