Prej muajsh, “Levitating” e Dua Lipa-s ka qenë mjaft e popullarizuar dhe ka qëndruar në listën e 10 më të mirëve, në renditjen javore të Billboard, për 35 javë.
Pra “Levitating” ka thyer rekord duke e bërë Duan artisten e parë femër që qëndron për 35 javë në listën e 10 këngëve më të dëgjuara. Lidhur me këtë rekord historik ka reaguar edhe Dua përmes një postimi në Instagram, ku ka shkruar:
“E pabesueshme! Mirënjohëse që e kam bërë këtë këngë me disa nga njerëzit e mi të të preferuar në planet, Clearence Coffe Jr., Sara Hudson, The Coz, por kjo këngë do të ishte asgjë pa ju djema (fansat) Ju dua, faleminderit! 35 javë në top 10 këngët më të dëgjuara.
Para disa ditësh, Dua shënoi një tjetër sukses. Bashkëpunimi i saj me Elton John arriti të ngjitej në krye të listave dhë është projekti i dytë i John që zë vendin e parë këtë vit pas këngës “It’s a Sin”. Dua Lipa po punon për një album tjetër. Bashkëpunëtorët e saj kanë treguar se albumi i saj i tretë do jetë ndryshe nga “Future nostalgia”, teksa pritshmëritë janë edhe më të mëdha.
